ဒီနေ့ EEVS မှပြောပြပေးချင်တာကတော့ နိုင်ငံတကာကျောင်းသားများအတွက် MBA တက်ရောက်ဖို့ အကောင်းဆုံးနိုင်ငံများ အကြောင်းပဲဖြစ်ပါတယ်။
MBA တက်ရောက်ဖို့ study destination ရွေးချယ်ရတာကလည်း အဓိကကျတဲ့ ဆုံးဖြတ်ချက်တစ်ခုပဲဖြစ်ပါတယ်။ မိမိရွေးချယ်လိုက်တဲ့ study destination အပေါ်မူတည်ပြီး networking အခွင့်အလမ်းများ၊ career အခွင့်အလမ်းများ အပေါ် အကျိုးသက်ရောက်မှုရှိတာဖြစ်လို့ သေချာရွေးချယ်ဖို့ လိုအပ်ပါတယ်။
MBA တက်ရောက်ဖို့ ထိပ်တန်း study destination တွေအကြောင်းကိုဖော်ပြပေးလိုက်ပါတယ်။
1) United States of America
USA သည် MBA Program တက်ရောက်ရန်အကောင်းဆုံးနိုင်ငံတွင် ထိပ်ဆုံးမှ ရပ်တည်လျက်ရှိပါတယ်။ Top-ranked Business Schools တွေများစွာရှိပြီး MBA Program ကို ၂နှစ်တာ သင်ကြားပေးကာ ကျောင်းပိတ်သည့်ကာလတွင်လည်း အလုပ်သင်ဆင်းရမည့် အစီအစဉ်များ ထည့်သွင်းပေးထားပါတယ်။ USA ရှိ Top-ranked Business Schools တွေက နိုင်ငံတကာမှာရှိတဲ့ Business Organizations တွေနဲ့ ချိတ်ဆက်ထားတာဖြစ်လို့ မိမိ networking တွေပိုကျယ်ပြန့်လာစေရုံသာမက career opportunities တွေများစွာလည်း ရရှိမှာဖြစ်ပါတယ်။ ကုန်ကျစရိတ်များအနေဖြင့်အနည်းဆုံး US$60,000 မှ US$80,000 အထိကုန်ကျနိုင်ပါတယ်။
2) United Kingdom
London ကိုလက်ရှိတွင် Global Financial Centres Index၏ ranking အရ ကမ္ဘာ့ထိပ်တန်း ယှဉ်ပြိုင်မှုအများဆုံး financial center အဖြစ်သတ်မှတ်ထားပါတယ်။ UK နိုင်ငံသည် banking sector တွင်ထိပ်တန်းမှရပ်တည်လျက်ရှိပြီး MBA graduate များကိုလည်း UKရှိ ထိပ်တန်း bank များတွင် ခန့်အပ်ထားလျက်ရှိပါတယ်။ UK ရှိ MBA Program များသည် များသောအားဖြင့်အချိန်တစ်နှစ်သာကြာမြင့်ပြီး Graduate Work Visa ၂နှစ်လျှောက်ခွင့်လည်းပေးထားတာဖြစ်လို့ အလုပ်ရှာဖို့အခွင့်အရေးတွေလည်း ရရှိနိုင်မှာဖြစ်ပါတယ်။ ကုန်ကျစရိတ်များအနေဖြင့်အနည်းဆုံး 31,450 GBP မှ 87,900 GBP အထိကုန်ကျနိုင်ပါတယ်။
3) Germany
Germany နိုင်ငံရှိ တက္ကသိုလ်အများစုသည် များသောအားဖြင့် အင်္ဂလိပ်ဘာသာဖြင့် program များဖွင့်လှစ်သောကြောင့် ဂျာမနီ၌ MBAပညာသင်ကြားနေသောကျောင်းသားအရေအတွက်တိုးတက်လာပါတယ်။ Germany သည်ဥရောပတစ်ခွင်လုံးတွင် အမြင့်ဆုံးသောစီးပွားရေးကိုပိုင်ဆိုင်ထားပြီး MBA Graduate များအတွက်လစာအမြင့်ဆုံးပေးနိုင်သော ထိပ်တန်း ၁၀နိုင်ငံတွင်ပါဝင်ပါတယ်။ ကုန်ကျစရိတ်များအနေဖြင့်အနည်းဆုံး 17,770 USD မှ 44,000 USD အထိကုန်ကျနိုင်ပါတယ်။
4) Australia
Australia နိုင်ငံရှိ MBA Degree များသည် နိုင်ငံတကာအသိအမှတ်ပြုမှုကိုရရှိထားပြီး နိုင်ငံတကာမှာရှိတဲ့ business တွေမှာလည်း ဝင်ရောက်လုပ်ကိုင်နိုင်ပါတယ်။ USA, UK နိုင်ငံများနှင့် ယှဉ်လျှင် နေထိုင်ရန်ကုန်ကျစရိတ် အလွန်သက်သာပါတယ်။ ကုန်ကျစရိတ်များအနေဖြင့်အနည်းဆုံး 40,000 USD မှ 63,000 USD အထိကုန်ကျနိုင်ပါတယ်။
5) Singapore
Singapore နိုင်ငံသည် အခြေခံအဆောက်အဦး များနှင့်စီးပွားရေးတိုးတက်လာမှုကြောင့်အာရှပစိဖိတ်ဒေသရှိ ထိပ်တန်းနိုင်ငံတစ်နိုင်ငံဖြစ်လာပါတယ်။ စင်ကာပူနိုင်ငံတွင်ပေးသော MBA နှင့် Executive MBA Program များသည် flexible ဖြစ်ပြီးကျောင်းသားများသည် ကျောင်းတက်နေစဉ် ကာလအတွင်းတွင် အလုပ်လုပ်ခွင့်ရှိပါတယ်။ ထို့ကြောင့်အချို့သောတက္ကသိုလ်များက ကျောင်းသားများကို တစ်ပတ်လျှင် ၁၆-၁၈ နာရီ အထိအလုပ်လုပ်ခွင့်ပြုလျက်ရှိပါတယ်။ ကုန်ကျစရိတ်များအနေဖြင့်အနည်းဆုံး 60,000 USD မှ 90,000 USD အထိကုန်ကျနိုင်ပါတယ်။
#LetsPlanYourCareerTogether#BestEducationConsultancyInYangon#MBA
#BestEducationConsultancyInMyanmar#ScholarshipsAndInternationalEducationMyanmar