Category Archives: Study Abroad

ဒီတစ်ခါမှာတော့ USA မှာ ပညာသင်ကြားဖို့ စိတ်ဝင်စားတဲ့သူတွေအတွက် Community Colleges နဲ့ပတ်သက်တဲ့ အကြောင်းကို ပြောပြပေးမှာဖြစ်ပါတယ်။ 

Community College ဆိုတာက ၂နှစ်တက်ရောက်ရတာဖြစ်ပြီး ၂နှစ်ပြီးရင် associate degree ရရှိမှာဖြစ်ပါတယ်။ Community College ၂နှစ်တက်ရောက်ပြီးရင် University တွေရဲ့ 3rd year နှင့် 4th year ကို တိုက်ရိုက်တက်ရောက်နိုင်မှာဖြစ်ပြီး University မှ Bachelor Degree ရရှိမှာဖြစ်ပါတယ်။

ဘာကြောင့် US မှာရှိတဲ့  Community College တွေတက်ရောက်သင့်သလဲ?

USA မှာရှိတဲ့ တက္ကသိုလ်အများစုက ကုန်ကျစရိတ်အရမ်းများလေ့ရှိပါတယ်။Community College တက်ရောက်ရတာ University တွေထက် ကုန်ကျစရိတ်အများကြီးသက်သာပါတယ်။ ကုန်ကျစရိတ်အနေနဲ့ USD 9000 မှ 12000 အထိကုန်ကျနိုင်ပါတယ်။ 

 မိမိတက်ရောက်ချင်သော University က အမှတ်အရမ်းမြင့်နေပြီး ဝင်ခွင့်ခက်ခဲနေတာမျိုးဖြစ်နေလျှင် Community Collegeကိုအရင်တက်ရောက်ပြီးမှ နှစ်သက်ရာ တက္ကသိုလ်ကို ပြန်လည် ပြောင်းရွှေ့နိုင်ပါတယ်။  

USA မှာ Community College တွေတစ်ထောင်ကျော်ရှိပြီး ပြည်တွင်းနှင့် နိုင်ငံတကာ ကျောင်းသားများအတွက် degrees နှင့် certificates Program ပေါင်းများစွာကို သင်ကြားပေးနေပါတယ်။ 

USA မှာရှိတဲ့ Community College တွေမှာ တမူထူးခြားတဲ့ learning environment တွေဖန်တီးပေးထားပြီး  class size သေးပြီး ကျောင်းသားတစ်ဦးချင်းစီ အပေါ် သေချာအာရုံစိုက် သင်ကြားပေးပါတယ်။

Community College အများစုမှာ နိုင်ငံတကာကျောင်းသားများအတွက် နည်းပညာနှင့် သက်မွေးဝမ်းကြောင်းဆိုင်ရာ ဘာသာရပ်များကိုပါ  ပို့ချပေးလျက်ရှိပါတယ်။ စီးပွားရေးလုပ်ငန်းများနှင့် ချိတ်ဆက်ပြီး job training programs များကိုလည်း ပြုလုပ်ပေးလျက်ရှိပါတယ်။ ဒါ့အပြင် ၂နှစ် Associate Degree ပြီးရင် American Community College federal law အရ USA တွင် Optional Practical Training အဖြစ် တစ်နှစ် အလုပ်လုပ်နိုင်မှာဖြစ်ပါတယ်။ အလုပ်သည်မိမိတက်ရောက်ထားသည့် မေဂျာနှင့် တိုက်ရိုက်ဆက်နွယ်မှုရှိရမည်။ Associate Degree တက်ရောက်နေသည့် နောက်ဆုံး semester တွင် OPT အတွက် လျှောက်ထားရမှာဖြစ်ပါတယ်။ 

USA မှာရှိတဲ့ Community College တွေ လျှောက်ထားနိုင်ဖို့ ဘာတွေလိုအပ်သလဲ?

အထက်တန်း အောင်လတ်မှတ်နဲ့ အမှတ်စာရင်းများ Or  IGCSE O Level အမှတ်

English အရည်အချင်းစစ် စာမေးပွဲ result များ (TOEFL or IELTS or Duolingo test)

Extracurricular Activities

Recommendation Letters 

Application Essay and Optional Personal Interview 

Bank Statement 

Passport တို့လိုအပ်ပါတယ်။ 

Community College တွေရွေးချယ်လျှောက်ထားတော့မယ်ဆိုရင် ဘယ်လိုအချက်တွေ ထည့်သွင်းစဉ်းစားရမလဲ? 

College ရှိ ကျောင်းသားအရေအတွက်

College မှာ နိုင်ငံတကာကျောင်းသားတွေရှိရဲ့လား 

မိမိတက်ရောက်ချင်သော တက္ကသိုလ် (သို့) ကောင်းတဲ့ တက္ကသိုလ်ကျောင်းတွေနဲ့ ချိတ်ဆက်ထားရဲ့လား 

College ရဲ့ location အနေအထား စတာတွေကို ထည့်သွင်းစဉ်းစားသင့်ပါတယ်။ 

#LetsPlanYourCareerTogether#StudyInUSA

#BestEducationConsultancyInYangon

#BestEducationConsultancyInMyanmar#ScholarshipsAndInternationalEducationMyanmar

ဒီတစ်ခါမှာတော့ အမေရိကန်နိုင်ငံမှာ သွားရောက်ပညာသင်လိုသူ ကျောင်းသားများအတွက် သိထားသင့်တဲ့ အကြောင်းအရာလေးတွေကို ပြောပြမှာဖြစ်ပါတယ်။ 

USA ဟာဆိုရင် ထိပ်တန်းအဆင့်မြင့်ပညာရေးအခွင့်အလမ်းများနှင့် ပတ်သက်ပြီး ဂုဏ်ယူစရာသမိုင်းရှိတဲ့ စိတ်ဝင်စားဖွယ်ကောင်းပြီးအလွန်ကွဲပြားခြားနားတဲ့ နိုင်ငံဖြစ်ပါတယ်။ 

US မှာ University တွေကို College လို့ပဲခေါ်ကြပါတယ်။ နိုင်ငံအများစုတွင်“ ကောလိပ်” ဟူသောစကားလုံးသည် vocational courses, work-based certifications တွေရရှိဖို့ တက်ရောက်ရတဲ့နေရာဖြစ်ပါတယ်။ US မှာတော့ ကောလိပ် ဆိုတဲ့ စကားလုံးက တက္ကသိုလ်နှင့် အတူတူပဲဖြစ်ပါတယ်။ 

 US colleges တွေရဲ့ ပထမတစ်ပတ်တာကာလတွင် ကျောင်းသားအချင်းချင်း ရင်းနှီးလာအောင် အချိန်ပေးထားလေ့ရှိပြီး ကျောင်းသားအဖွဲ့အစည်းတွေမှာ ပါဝင်ဖို့ စာရင်းသွင်းနိုင်တာတွေအပြင် ကောလိပ်ကကျင်းပတဲ့ ပါတီတွေပွဲတွေ တက်ရောက်ဖို့ အခွင့်အရေးတွေရရှိပါတယ်။ 

Textbook တွေက အလွန်အမင်းကို ဈေးကြီးပါတယ်။ ဒါပေမယ့် တစ်ခုကံကောင်းတာက social media groups တွေပေါ်မှာ second-hand textbooks တွေကို ပြန်ဝေမျှပေးတာတွေ ဖြန့်ဝေပေးတာတွေ ရှိတော့ အနည်းငယ်တော့ အဆင်ပြေမှာဖြစ်ပါတယ်။ 

US မှာရှိတဲ့ Ivy League colleges တွေဟာ သူတို့၏အရည်အသွေးနှင့်ဂုဏ်သိက္ခာ ကြောင့်အလွန်ထင်ရှားကျော်ကြားပါတယ်။ ဒါပေမယ့် Ivy League colleges တွေသာမက US မှာရှိတဲ့ universities 4,000 နီးပါးလုံးက အရည်အသွေးမြင့်တဲ့အတွက် မိမိသင်ယူချင်တဲ့ ဘာသာရပ်နယ်ပယ်နှင့် အတွေ့အကြုံပေါ်မူတည်ပြီး ရွေးချယ်တက်ရောက်နိုင်ပါတယ်။ 

US colleges  အများစုက မိမိရွေးချယ်လိုတဲ့ course တွေနဲ့ပတ်သက်ပြီး ထင်ထားတာထက်ပိုပြီး flexibility ရှိပါတယ်။ မိမိရွေးချယ်လိုက်တဲ့ major က မိမိနဲ့ ကိုက်ညီမှုမရှိဘူးလို့ ထင်ရင် major ကို အကြိမ်များစွာ ပြောင်းလဲနိုင်ပါတယ်။

အမေရိကန်ကောလိပ်တွေက ကမ္ဘာပေါ်တွင် ဈေးအကြီးဆုံးဖြစ်တယ်လို့ နာမည်ကြီးလှပါတယ်။ သို့သော်လည်း အမေရိကန်ရှိကောလိပ်တွေရဲ့ ကုန်ကျစရိတ်မှာ medical insurance, accommodation, subsistence စတာတွေကို cover ဖြစ်ပါတယ်။ 

#LetsPlanYourCareerTogether#StudyInUSA

#BestEducationConsultancyInYangon

#BestEducationConsultancyInMyanmar#ScholarshipsAndInternationalEducationMyanmar

EEVS မှ ဒီတစ်ခါပြောပြပေးချင်တာကတော့ USA မှာ သွားရောက်ပညာသင်ယူတဲ့ ကျောင်းသားတွေအနေနဲ့ ဘယ်လိုမျိုး challenges တွေကို ရင်ဆိုင်ဖြတ်ကျော်ရလဲ ဆိုတဲ့အကြောင်းပဲဖြစ်ပါတယ်။ 

နိုင်ငံရပ်ခြားကို ပညာသင်သွားတဲ့အချိန်တွေမှာ အခက်အခဲတွေကြုံတွေ့ရတာကတော့ ပုံမှန်ပါပဲ။ ဒါပေမယ့် ဒီအခက်အခဲတွေ စိန်ခေါ်မှုတွေကို ရင်ဆိုင်ကျော်လွှားနိုင်ဖို့ လိုအပ်ပါတယ်။ ဒါကြောင့် တွေ့ကြုံရလေ့ရှိတဲ့ Challenges တွေကို သိထားမယ်ဆိုရင် အလွယ်တကူ ရင်ဆိုင်နိုင်မှာပဲဖြစ်ပါတယ်။

Cultural shift

USA ရောက်သွားတဲ့အခါ မြန်မာကျောင်းသားအများစုကြုံရလေ့ရှိတာက culture တွေလုံးဝပြောင်းလဲသွားတာပဲဖြစ်ပါတယ်။ လူနေမှုဘဝပုံစံတွေကစလို့ အစားအစာ၊ အလေ့အထ၊ အဝတ်အစားရွေးချယ်ပုံတွေနဲ့ attitude တွေမတူတော့တာကို တွေ့ရမှာဖြစ်ပါတယ်။ US မှာဆိုရင် လက်ဆွဲနှုတ်ဆက်တဲ့ ပုံစံတောင်ကွဲပြားပါတယ်။ US ကလူတွေက လက်ဆွဲနှုတ်ဆက်တဲ့ အခါလက်ကို အခိုင်အမာဆွဲထားလေ့ရှိတယ်။ မိမိက လက်ဆွဲနှုတ်ဆက်တဲ့အခါလက်ကို လျော့တိလျော့ရဲ ထားနေရင် confidence မရှိဘူးလို့ယူဆကြပါတယ်။ တစ်ယောက်နဲ့ တစ်ယောက်ပြောဆိုရာမှာ  Body Language တွေနဲ့ ပတ်သက်ပြီးတော့လည်း သတိထားတတ်ဖို့ လိုအပ်ပါတယ်။ 

Language barrier

USA  ကျောင်းသားတွေနဲ့ ဆက်သွယ်ပြောဆိုတဲ့နေရာမှာ အခက်အခဲအနည်းငယ်ရှိနိုင်ပါတယ်။ မြန်မာကျောင်းသားတွေအနေနဲ့ Language Barrier တွေကို ကျော်လွှားနိုင်ဖို့အတွက် ကျောင်းသွားမတက်မီကာလအတွင်းမှာ English Proficiency ကောင်းကောင်းရှိဖို့အတွက် ပြင်ဆင်သင့်ပါတယ်။

Accommodation problems

နိုင်ငံတကာကျောင်းသားတွေအနေနဲ့ သင့်လျော်တဲ့ နေရာထိုင်ခင်းရှာတွေ့နိုင်ဖို့ကလည်း အနည်းငယ်ခက်ခဲနိုင်ပါတယ်။ University အနီးအနားမှာ နေရာရှာနိုင်ဖို့ကလည်း အရေးပါတဲ့ ပြသနာတစ်ခုဖြစ်လာပါတယ်။ နေရာထိုင်ခင်းရှာတဲ့အခါ မိမိမှာရှိတဲ့ ငွေကြေးနဲ့ ချိန်ဆတတ်ဖို့ လိုအပ်ပါတယ်။ 

Financial Problems

 US မှာနေထိုင်ခြင်းက အရာရာအတွက် ဈေးကြီးပြီး တစ်ခုခုဝယ်တော့မယ်ဆိုရင် နှစ်ကြိမ်ထက်ပိုပြီး စဉ်းစားသင့်ပါတယ်နော်။ ဒါကြောင့် မလိုအပ်တာတွေမဝယ်ဖို့ သတိထားပြီး ငွေစုတတ်တဲ့ အကျင့်လေး လုပ်သင့်ပါတယ်နော်။ Part-Time jobs တွေလုပ်ပြီး ငွေရှာနိုင်ဖို့လည်း စဉ်းစားသင့်တယ်နော်။ နိုင်ငံတကာကျောင်းသားတွေ အနေနဲ့ ပညာသင်ယူနေစဉ်မှာပဲ အလုပ်လုပ်ခြင်းဟာ US မှာနေထိုင်ဖို့အကောင်းဆုံးနည်းလမ်းဖြစ်တယ်။

Learning Style and Academic expectations

USA ကျောင်းတွေက သင်ကြားမှုပုံစံတွေကတော့  lectures based classes တွေထက်စာရင်  practical work တွေအပေါ်ပိုဦးစားပေးပြီး workshops, seminars တွေနဲ့  နိုင်ငံတကာ စံညွှန်းများနှင့်အညီသင်ကြားပေးတာဖြစ်ပါတယ်။ အစပိုင်းမှာတော့ အနည်းငယ် အခက်အခဲရှိနိုင်ပေမယ့် နောက်ပိုင်း အသားကျသွားမှာပါ။ မိမိနိုင်ငံတွင် ပညာသင်နေစဉ်ကာလအတွင်း အမှတ်တွေ အဆင့်တွေ အများကြီး ကောင်းနေပါလိမ့်မယ်။ အခြားနိုင်ငံတစ်ခုမှာ သင်ယူရတဲ့အခါ  Learning environment နဲ့ အကဲဖြတ်အမှတ်ပေးမှုနည်းလမ်းအသစ်တွေကြောင့် မိမိ performance တွေ အနည်းငယ် ပြောင်းလဲနိုင်ပါတယ်။ ဒီအချက်လေးကိုလည်း သတိပြုသင့်ပါတယ်။ 

Social Challenges

နိုင်ငံရပ်ခြားကို သွားရောက်ပညာသင်တဲ့ ကျောင်းသားတွေအနေနဲ့ အစပိုင်းမှာ အထီးကျန်တာတို့ အပေါင်းအသင်းမရှိတာမျိုးတို့ ခံစားရလေ့ရှိပါတယ်။ ဒါကြောင့် မိမိနဲ့ study program တူသူတွေနဲ့ မိတ်ဆွေဖွဲ့တာမျိုး၊ ကျောင်းကစီစဉ်တဲ့ volunteer အဖွဲ့တွေမှာ ပါဝင်တာမျိုး၊  local students တွေနဲ့ ရင်းနှီးအောင်နေတာမျိုးတွေ ပြုလုပ်သင့်ပါတယ်။ 

#LetsPlanYourCareerTogether#StudyInUSA

#BestEducationConsultancyInYangon

#BestEducationConsultancyInMyanmar#ScholarshipsAndInternationalEducationMyanmar